Tuesday, February 14, 2012

ഉത്തരം തേടുന്ന ചോദ്യങ്ങൾ

സ്നേഹത്തിന്റെ
തൊട്ടിലാടി
താരാട്ടുകേട്ടുറങ്ങാൻ
മടിക്കുന്നൊരീ
പൈതങ്ങളിൽ
രാത്രിയുടെ ശൂന്യത
അപസ്മാരം നിറച്ചുവോ..??

വിരിയാൻ കൊതിച്ച
വെള്ളാമ്പൽ മൊട്ടു
വിരിയാതെ പൊഴിഞ്ഞത്
മാരുത ഹ്രുദയത്തിലും
നാം നിറച്ച വിഷബീജ
താപത്തിൻ ഫലമോ..??

പൂമുറ്റത്ത് വിടർന്നു
നിൽക്കുന്നൊരീ
ചെമ്പരത്തിപ്പൂക്കൾ
തൻ പരാഗ രേണുക്കളിൽ
തിളങ്ങി വിളങ്ങുന്നത്
വിത്തോ വിനാശ-
ക്രൌര്യഭാവങ്ങളോ..??

അസ്തമന സൂര്യന്റെ
ചെങ്കിരണങ്ങൾ
പതിക്കുന്നൊരീ
ശ്വേത വർണ്ണമാം
പാരിജാതപ്പൂക്കളിൽ
ക്രൂരത നിറക്കും
ആഭിചാരക്രിയകൾ
നടക്കുന്നുവോ..??

സുഗന്ധവും പേറി
വിടരാൻ കൊതിക്കും
ചെമ്പനീർ പുഷ്പത്തിന്
വർണ്ണം നൽകി
അനുഗ്രഹിക്കാൻ
കാലം കടമെടുത്തത്
നിരപരാധികൾ തൻ
രക്തക്കറയോ..??

രാത്രിയുടെ
അന്ത്യ യാമങ്ങളിൽ
 മാനവ  ഹൃദയങ്ങളിൽ
ഭയാനകസ്വപ്നങ്ങൾ
നിറക്കുന്നത്
അന്ധകാരത്തിനു
വിടുവേല ചെയ്യുന്ന
കുടില യക്ഷിയോ
ചെകുത്താനോ..??

മനസു പിടയുമ്പോ-
ളെന്റെ കരളിലീ
വ്യർഥ്യമാം
ചിന്തകൾ ഒളിച്ചു-
വെക്കുന്നത്
കാലത്തിൻ കൈകളോ
അവിവേകം താങ്ങുന്നൊ-
രെൻ മനം തന്നെയോ..?

4 comments:

  1. മനസു പിടയുമ്പോ-
    ളെന്റെ കരളിലീ
    വ്യർഥ്യമാം
    ചിന്തകൾ ഒളിച്ചു-
    വെക്കുന്നത്
    കാലത്തിൻ കൈകളോ
    അവിവേകം താങ്ങുന്നൊ-
    രെൻ മനം തന്നെയോ..?

    Great!!!!!! how can u imagine like this?? congrats dear

    ReplyDelete
  2. പൂമുറ്റത്ത് വിടർന്നു
    നിൽക്കുന്നൊരീ
    ചെമ്പരത്തിപ്പൂക്കൾ
    തൻ പരാഗ രേണുക്കളിൽ
    തിളങ്ങി വിളങ്ങുന്നത്
    വിത്തോ വിനാശ-
    ക്രൌര്യഭാവങ്ങളോ..??
    writer did a great job.

    ReplyDelete
  3. കവിത നന്നായിട്ടുണ്ട്.
    ആശംസകൾ

    ReplyDelete
  4. മനസു പിടയുമ്പോ-
    ളെന്റെ കരളിലീ
    വ്യർഥ്യമാം
    ചിന്തകൾ ഒളിച്ചു-
    വെക്കുന്നത്
    കാലത്തിൻ കൈകളോ
    അവിവേകം താങ്ങുന്നൊ-
    രെൻ മനം തന്നെയോ..

    ReplyDelete