ഈറൻസ്വപ്നങ്ങളെ മോഷ്ടിച്ചവര്...

ഇന്നലെ രാത്രി..

രാത്രിമഴയുടെ തണുപ്പിലും

എൻ മേനി അഗ്നിതാപത്താൽ

ഉരുകിയൊലിക്കുമ്പോൾ

മനസിൽ വേദനകളുടെ

വേലിയേറ്റം നടക്കുമ്പോൾ

ഉരുകിയൊലിച്ചാലെന്ന് നിനച്ചു ഞാൻ

എന്റെ സുന്ദര സ്വപ്നങ്ങൾ  

തകരപ്പെട്ടിയിലൊളിപ്പിച്ചു വെച്ചു.

ഇന്നു ഞാൻ

വഴിയോരങ്ങളിലൂടെ

വിയർത്തീറനായ വസ്ത്രത്താൽ

നടന്ന് നീങ്ങുമ്പോൾ

അരികിലാരോ വിളിച്ചു കൂവുന്നു

സുന്ദര സ്വപ്നങ്ങൾ വിൽക്കാനുണ്ടേ..

വഴിയോര വാണിഭക്കാരനടുത്ത്

കൌതുകത്തോടെ ഞാൻ

ഓടിയണഞ്ഞപ്പോൾ..

ഒരാന്തലോടെ ഞാൻ കണ്ടു…

കുട്ടകൾ നിറച്ചവർ

വില്പനക്കായ് വെച്ചവ

എന്റെ സ്വപ്നങ്ങൾ തന്നെ….

ഇളം നീല നിറം കലർന്ന

എന്റെ  പ്രിയ സ്വപ്നങ്ങള്…